"Dünyanın
diqqətini cəlb etmək istəyirlər ki, Azərbaycan erməni xalqını məhv eləmək istəyir,
biz tək qalmışıq, bizə dəstək olun. Məqsədləri dünyaya məhz bu mesajı verməkdir”.
BunuQaynarinfo-ya açıqlamasında politoloq Şahin Cəfərli Azərbaycanın işğal altında
olan Dağlıq Qarabağ bölgəsində separatçı rejimin "peşəkar ordu”
formalaşdırmaq üçün qəbul etdiyi "qanun layihəsini” şərh edərkən deyib.
Politoloq belə məlumatları ciddiyə almamağı tövsiyə edib:
"Onlar
panika halında oturub özlərindən qərarlar uydururlar və vəziyyətdən çıxmaq üçün
hansısa bir təbliğat xarakterli addımlar atırlar. Bu qərar da belə addımların tərkib
hissəsidir. Kimləri cəlb eləmək lazımdırsa, artıq buna nail olublar. İstər
Qarabağda olan ermənilər arasında, istərsə də Ermənistandan kimləri cəlb etmək
istəyiblərsə, onlar döyüşdədir. Qarabağda Azərbaycana qarşı vuruşan ordu
aydındır ki, Ermənistan ordusudur”.
Politoloq
qeyd edib ki, ola bilər ehtiyyatda olan hərbiçilər var, onları dəvət ediblər,
amma onlar dəvəti qəbul etmirlər:
"Bu vəziyyətdən
çıxmaq üçün təbliğata yönəlmiş addımlar da atırlar. Yəni, dünyaya göstərmək istəyirlər
ki, Azərbaycan bizi qırır, öldürür, tək qalmışıq, bizə kömək edin, dəstək
verin. Bu tip qərarlar məncə, çərəsizlikdən doğan, eyni zamanda daha çox xarici
ölkələrdə təbliğata yönəlmiş addımlardır”.
Qeyd
edək ki, Azərbaycanın işğal altında olan Dağlıq Qarabağ bölgəsində separatçı
rejim "peşəkar ordu” formalaşdırmaq üçün "qanun layihəsi” qəbul edib.
Məlumatda bildirilib ki, həmin "qanun"da muzdluların işğal altında
olan torpaqlarda Azərbaycana qarşı döyüşməsi nəzərdə tutulub.
Bahar
Rüstəmli
