Tayvanın prezidenti Uilyam Lay bildirib ki, 2027-ci ildə adanın hərbi büdcəsi tarixdə ilk dəfə 1 trilyon Tayvan dollarını (31,4 milyard dollar) keçəcək.
Qayanrinfo xəbər verir ki, siyasətçinin sözlərinə görə, "Tayvan öz müdafiəsini gücləndirmək əzmindədir".
Nazirlər Kabineti avqustun 20-də hərbi xərclər də daxil olmaqla, növbəti ilin büdcəsini təqdim edəcək. Lakin Lay artıq bu gün mediada yayılan məlumatları təsdiqləyərək bildirib ki, 2027-ci il üçün ümumi müdafiə büdcəsi ilk dəfə 1 trilyon Tayvan dollarını ötəcək. Bu məbləğ Tayvanın ÜDM-nin təxminən 3 faizinə bərabər olacaq.
Tayvan prezidentinin açıqlaması adanın Çinlə münasibətlərində gərginliyin artdığı bir vaxta təsadüf edib. Çin Tayvanı öz ərazisi hesab edir.
Bəzi KİV-lərin qiymətləndirməsinə görə, son bir neçə ildə Çin Tayvanın qətiyyətlə rədd etdiyi ərazi iddialarını möhkəmləndirmək məqsədilə hərbi və siyasi təzyiqi artırır.
Aydın
Şərhlər