21 yaşadək futbolçulardan ibarət Azərbaycan millisi bu gün Avropa çempionatının seçmə mərhələsində sonuncu görüşünü keçirəcək.
Qaynarinfo xəbər verir ki, Milan Obradoviçin komandası 10-cu turda səfərdə Norveç milisinin qonağı olacaq. Drammen şəhərindəki "Marienlyst” stadionunda oynanılacaq qarşılaşma Bakı vaxtı ilə saat 20:00-da başlayacaq. Görüşü Bosniya və Herseqovinadan olan hakimlər briqadası idarə edəcək.
Norveç 9 oyundan sonra 21 xalla ikinci, komandamız isə 7 xalla 5-ci sıradadır.
AVRO-2023, seçmə mərhələ
20:00. Norveç – Azərbaycan
Baş hakim: Luka Bilbiya (Bosniya və Herseqovina)
Drammen. "Marienlyst” stadionu
Səbuhi Həsənov
