Rusiya Prezident Kitabxanası ilk dəfə olaraq faşist Almaniyasının müharibəyə başlamaq planları barədə xəbərdarlıq edən 1941-ci ildən şifrələnmiş teleqramı yayıb.
Qaynarinfo xəbər verir ki, kitabxananın saytında FSB-nin mərkəzi arxivindən bir fotokopiya dərc
olunub.
Bildirilir ki, teleqram SSRİ Dövlət Təhlükəsizliyi Xalq Komissarlığının rəhbərliyinə 1941-ci il iyunun 21-də axşam Leninqrad vilayətindən daxil olub. Göndərən regional idarənin rəhbəri Pavel Kuprin olub. O, NKQB-nin o vaxtkı rəhbəri Vsevolod Merkulova "Almaniya SFG şirkəti tərəfindən iyunun 22-dək onun mütəxəssislərinin Leninqraddan çıxarılması və yaxın günlərdə hərbi əməliyyatların başlaması haqqında” məlumat verib.
"Vəziyyət çox gərgindir və növbəti 2-4 gün ərzində Almaniyanın təşəbbüsü ilə hərbi əməliyyatlar gözlənilir”, - mətndə deyilir.
Teleqramın rəsmi hissəsində deyilir ki, Moskvaya iyunun 21-də saat 20:10-da Leninqraddan teleqram gəlib. Sənəd 21:30-da, müharibənin başlamasına altı saatdan az vaxt qalmış deşifrə edilib.
Alpər
Şərhlər