Nümayəndələr Palatasının spikeri Kevin Makkarti Yaponiyada G7 həmkarları ilə görüşdə ABŞ-ın təbii qaz ixracını təşviq etməyi planlaşdırdığını bildirib.
Bu barədə Qaynarinfo "Bloomberg"ə istinadən xəbər
verir.
Makkarti bildirib ki, G7 ölkələrinin parlament sədrlərinin görüşündə enerji siyasəti müzakirə olunacaq. O, öz gündəliyini prezident Vladimir Putinin keçən il Ukraynaya genişmiqyaslı müdaxiləsinə cavab olaraq Avropanın Rusiya qazını mərhələli şəkildə dayandırmaq səyləri kontekstində formalaşdırıb.
"Əgər biz bir il ərzində yalnız Avropada Rusiya təbii qazını ABŞ təbii qazı ilə əvəz etsək, CO2 emissiyalarını 218 milyard ton azaldacağıq, çünki təbii qazımız daha təmizdir”, - Makkarti "Fox News"a bildirib.
Onun fikrincə, Amerika iqtisadi cəhətdən daha güclü olardı, "qiymətlərimiz daha aşağı, dünya isə daha təhlükəsiz olardı”.
Nizami Bağırov
