Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
ABŞ yeni nüvə bombalarının seriyalı istehsalına başlayır
Vaşinqton 2025-ci ilin iyul ayından etibarən yenilənmiş B61-13 tipli nüvə qravitasiya bombalarının seriyalı istehsalına başlayacaq. Bu bombalar strateji aviasiya təyyarələrinə yerləşdiriləcək.
Qaynarinfo İnterfaks-a istinadla xəbər verir ki, bu barədə ABŞ-ın Milli Nüvə Təhlükəsizliyi Agentliyi (NNSA) məlumat verib.
ABŞ hökumətinin planına əsasən, təkmilləşdirilmiş nüvə aviasiya bombalarının istehsalı 2027-ci ildə başa çatacaq. Hər bir bombanın qiyməti təxminən 30 milyon dollar təşkil edir. Döyüş başlıqlarının texniki təkmilləşdirilməsi NNSA-ya bağlı altı mərkəzdə aparılır, yekun yığım isə Texas ştatının Amarillo şəhərində yerləşən Pantex Plant zavodunda həyata keçirilir.
Yeni B61-13 bombasının çəkisi 320 kiloqramdan çoxdur və ona yeni quyruq stabilizatoru əlavə edilib. Bunun sayəsində bomba idarəolunan olub və dəqiqliyi artırılıb. Artıq onu yüksək hündürlükdən buraxmaq mümkündür (əvvəlki versiyalarda paraşütlə enirdi) — bomba hədəfə doğru onlarla kilometr məsafəni muxtar şəkildə qət edir və uçuş zamanı trayektoriyasını özü tənzimləyir.
Modernləşdirilmiş bombalar B-2 Spirit bombardmançılarına və hazırda hazırlanmaqda olan B-21 Raider təyyarələrinə quraşdırılacaq. Onlar ABŞ-ın materikdəki hərbi bazalarında saxlanılacaq. Yeni B61-13 bombalarının əsas təyinatı — daha möhkəm və böyük hərbi hədəfləri, o cümlədən yeraltı bunkerləri və komanda məntəqələrini məhv etməkdir.
ABŞ-ın energetika naziri Kris Rayt 19 may tarixində ilk B61-13 nümunəsinin planlaşdırılmış qrafikdən bir il əvvəl istehsalının başa çatdığını bildirib. Qeyd olunur ki, bu yeni silahın hazırlanması cəmi iki il çəkib — Pentaqon onun yaradılacağını 2023-cü ilin oktyabrında, "potensial rəqiblərdən gələn artan təhdidlər” fonunda elan etmişdi.
Nazirin sözlərinə görə, bu fakt ABŞ-ın qlobal təhlükəsizlik sahəsində artan çağırışlara yeni, qeyri-sabit dövrdə çevik şəkildə cavab vermək qabiliyyətini nümayiş etdirir. "ABŞ-ın nüvə arsenalının modernləşdirilməsi prezident Donald Trampın ‘Güc vasitəsilə sülh’ konsepsiyasını həyata keçirmək üçün həlledici əhəmiyyət daşıyır”, – deyə o vurğulayıb.
Alpər
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər