ABŞ-ın müdafiə naziri Pit Heqset Vaşinqtonun Kubaya hərbi müdaxilə variantlarını nəzərdən keçirdiyini açıqlayıb.
Qaynarinfo xəbər verir ki, Heqseth ABŞ prezidenti Donald Trampın tələblərini yerinə yetirməsi üçün Kuba hökumətinə çağırış edib.
Panamada keçirilən “Amerika Kartellərinə Qarşı Koalisiya”nın toplantısında iştirak edən Heqseth burada hərbi təlimə qatılıb və jurnalistlərə açıqlama verib.
Nazir ABŞ-ın Panama və Ekvador kimi region ölkələri ilə təhlükəsizlik və narkotik kartelləri ilə mübarizə sahəsində sıx əməkdaşlıq etdiyini bildirib.
Heqsethin sözlərinə görə, Kolumbiya “Amerika Kartellərinə Qarşı Koalisiya”na 19-cu üzv kimi qoşulub və koalisiyanın mərkəzinə ev sahibliyi etməyi təklif edib.
ABŞ-ın region ölkələri üçün “üstünlük verilən tərəfdaş” olduğunu bildirən Heqset Çin, Rusiya və İranın Cənubi Amerikadakı fəaliyyətlərinin isə “istismar” üzərində qurulduğunu iddia edib.
Günay
Şərhlər