Təhlükəsizlik tədqiqatçıları süni intellekt modellərinin kiberhücumlarda necə istifadə oluna biləcəyini nümayiş etdirərək "OpenAI" sistemlərinə müdaxilə etməyə nail olublar.
Qaynarinfo "Financial Times"a istinadən xəbər verir ki, hücum zamanı “OpenAI”ın birbaşa öz modellərindən deyil, rəqibi “Anthropic” tərəfindən hazırlanmış süni intellekt alətlərindən istifadə edilib.
Araşdırma süni intellektin artıq yalnız kibertəhlükəsizlikdə köməkçi vasitə kimi deyil, hücum prosesinin müxtəlif mərhələlərini avtomatlaşdırmaq üçün də istifadə oluna biləcəyinə diqqət çəkir. Tədqiqatçılar “Anthropic” modellərindən istifadə edərək “OpenAI”ın sistemlərinə qarşı hücum həyata keçirərək onların təhlükəsizlik mexanizmlərində zəiflikləri müəyyənləşdiriblər.
Hadisə süni intellekt şirkətləri üçün yeni təhlükəsizlik problemini də ortaya qoyur: güclü süni intellekt modelləri bir şirkət tərəfindən hazırlanarkən, onların imkanlarından istifadə edərək başqa şirkətlərin sistemlərinə hücum etmək mümkündür. Bu isə süni intellekt modellərinin yalnız öz platformalarının deyil, daha geniş rəqəmsal ekosistemin təhlükəsizliyi baxımından da nəzarətdə saxlanılmasını zəruri edir.
Şəbnəm İbrahimxəlilova
Şərhlər