Çin ABŞ administrasiyasının son addımlarına cavab olaraq bu ölkəyə pilotsuz uçuş aparatlarının (PUA) ixracını qadağan edib və 6 Amerika şirkətinə qarşı sanksiyalar tətbiq edib.
Qaynarinfo xəbər verir ki, bu barədə Çin Ticarət Nazirliyi məlumat yayıb.
Bildirilib ki, qərar ABŞ-ın Çin istehsalı olan dronların idxalını qadağan etməsi və 43 Çin şirkətinə sanksiya tətbiq etməsinə cavab olaraq qəbul edilib.
Nazirliyin açıqlamasında qeyd olunub ki, yeni qərara əsasən, ABŞ-yə pilotsuz uçuş aparatlarının ixracı dayandırılır, həmçinin 6 Amerika şirkəti sanksiyalar siyahısına daxil edilib.
Qeyd edək ki, son dövrlər Pekin və Vaşinqton arasında ticarət və texnologiya sahəsində qarşıdurma daha da dərinləşib. Çin tərəfi ABŞ-nin tətbiq etdiyi məhdudiyyətlərə qarşı cavab tədbirləri görəcəyini daha əvvəl də bəyan etmişdi.
Günay
