Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
İlon Mask Zelenskini niyə hədələyir? (ŞƏRH)
"İlon Maskın hədəsi Ukraynaya növbəti təzyiq vasitəsidir. O, bu fikri səsləndirməklə Ukrayna prezidentini bəzi güzəştlərə getməyə vadar etmək istəyir".
Bunu Qaynarinfo-ya açıqlamasında hərbi ekspert Üzeyir Cəfərov amerikalı milyarder İlon Maskın Ukraynanı və onun ordusunu rabitə-peyk sistemilə təmin edən "Starlink" sistemini bağlayacaqları ilə bağlı fikrini şərh edərkən deyib.
"Artıq "Starlink"lə bağlı İlon Mask və ABŞ rəhbərliyi ümumi razılığa gəlib. Ukrayna üçün bu sistem fəaliyyətini davam etdirəcək. Qarşıdakı iki gündə Səudiyyə Ərəbistanında Kiyevlə Vaşinqton arasında vacib məsələlər müzkirə olunacaq. ABŞ dövlət katibi, Tramp və Maskın özü də sonradan bəyan ediblər ki, "Starlink” mövzusu qapadılır", deyə Üzeyir Cəfərov bildirib.
Ekspert qeyd edir ki, "Starlink" olmasa, Ukrayna böyük çətinliklərlə üzləşə bilər:
"Amma Kiyev "Starlink"in əvəzlənməsilə bağlı operativ işlər həyata keçirir. Bu işdə Türkiyə və digər ölkələr ona yardım edir. Ona görə də artıq həmin məsələnin həllini tapdığını demək olar".
Həmsöhbətimiz bildirir ki, belə bir cəhdə əl atılması Maskın özü üçün böyük itkilərə səbəb olacaqdı:
"Son günlər onun gəlirləri 100 milyard dollara qədər azalıb. Çünki bəzi bəyanat və addımları, Federal Təhlükəsizlik Xidməti əməkdaşlarının, həkim və müəllimlərin ixtisara salınması ABŞ-da müəyəyn etirz aksiyalarının alovlanmasına səbəb olub. Bir sözlə, spontan başlayan bu kimi qərarlara son veriləcək".
Qeyd edək ki, dünyaca məşhur "SpaceX" şirkətinin rəhbəri İlon Mask Ukrayna müharibəsi ilə bağlı sensasion açıqlama verib. O, Ukrayna ordusunun rabitə sisteminin tamamilə "Starlink” peyk internetinə əsaslandığını bildirib. Maskın sözlərinə görə, əgər bu sistem dayandırılarsa, Ukrayna ordusunun cəbhə xətti tamamilə dağılacaq.
"Əgər mən "Starlink"i söndürsəm, onların bütün cəbhə xətti çökər. Ukraynanın cəbhədəki bütün koordinasiya və rabitə imkanları "Starlink"ə bağlıdır. Bu, müharibə strategiyasının əsas elementidir. Uzun illərdir bu çıxılmaz vəziyyətdə qan tökülməsindən bezmişəm. Ukrayna bu vəziyyətdən qaçılmaz şəkildə məğlub çıxacaq", deyə Mask vurğulayıb.
Son məlumatlara görə, ABŞ hələlik Ukrayna üçün "Starlink"i sönədürmək fikrindən vaz keçib.
Rüfət Sultan
Oxşar xəbərlər
İlon Mask Zelenskini niyə hədələyir? (ŞƏRH)
Dünya
10.03.2025
PKK qurultayda özünü buraxacaqmı? (ŞƏRH)
Dünya
10.03.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər