Xəbər lenti

"İran MAQATE-ni digər ölkələrlə siyasi mübahisələrin girovuna çevirib" - Qrossi
Dünya11:55 19.01.2024

"İran MAQATE-ni digər ölkələrlə siyasi mübahisələrin girovuna çevirib" - Qrossi

Google alqoritminə buraxmayın, xəbəri özünüz seçin!Xəbəri Google yox, siz seçin!Əlavə et
İran Beynəlxalq Atom Enerjisi Agentliyi (MAQATE) ilə "görünməmiş şəkildə” məhdud əməkdaşlığa malikdir. 
Qaynarinfo xəbər verir ki, bu barədə təşkilatın rəhbəri Rafael Qrossi Davosda keçirilən Dünya İqtisadi Forumu zamanı AFP-yə müsahibəsində deyib. 
"Bu, çox məyusedici bir vəziyyətdir. Biz orada fəaliyyətimizi davam etdiririk, lakin minimal səviyyədə”, deyə Qrossi bildirib. 
Xüsusilə, MAQATE-nin bəzi yüksək səviyyəli müfəttişləri "milliyyətinə görə qruplardan xaric ediliblər". Bununla, İran, məsələn, Fransa, Böyük Britaniya və ya ABŞ rəsmilərinin bəyanatlarını bəyənmədiyi təqdirdə təşkilatı "cəzalandırır".
Qrossinin sözlərinə görə, İran MAQATE-ni "başqa ölkələrlə siyasi mübahisələrinin girovuna” çevirir. MAQATE rəhbəri bunu "qəbuledilməz” adlandırır və "MAQATE-yə lazımi girişin verilməsini” tələb edir.
Nizami Bağırov