Macarıstanın baş naziri Viktor Orban bildirib ki, dəyişən geosiyasi reallıqlar səbəbindən Macarıstan gələcəkdə Rusiya ilə münasibətlərinə yenidən baxmalı ola bilər.
Qaynarinfo Bloomberg-ə istinadən
xəbər verir ki, Macarıstan lideri Ukraynadakı münaqişənin sona çatmasından sonra Rusiya-Avropa münasibətlərinin bərpa edilməsi zərurəti ilə barədə fikir bildirib, lakin onun sözlərinə görə, "bu, reallıqdan uzaqdır”. "Ona görə də Macarıstan yaxın 10-15 il ərzində xarici siyasət və iqtisadiyyat sahəsində Rusiya ilə hansı münasibət qura və davam etdirə biləcəyimizi diqqətlə düşünməlidir”, - Orban vurğulayıb.
Eyni zamanda, o qeyd edib ki, Budapeşt Moskva ilə əlaqələri həm də Macarıstanın Rusiyadan "enerji asılılığı” səbəbindən davam etdirməkdə maraqlıdır.
Xatırladaq ki, Macarıstan Ukraynaya silah verməkdən imtina edən və anti-Rusiya sanksiyalarının yumşaldılmasını dəfələrlə müdafiə edən azsaylı Aİ ölkələrindən biridir. Orbanın açıqlamaları Kiyevdə dəfələrlə tənqidlərə səbəb olub.
Alpər
