Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
USQ-nin Kurskdan geri çəkilməsinin əsas səbəbi nədir… - ABŞ-ın təzyiqi?
Ukraynalı hərbi ekspert, "Reaktivna Poşta” xeyriyyə təşkilatının təsisçisi Pavel Narojnı hesab edir ki, Rusiyanın Kursk vilayətindəki uğurları ABŞ-la Ukrayna arasında siyasi razılaşmaların nəticəsi deyil.
Qaynarinfo xəbər verir ki, bu barədə Narojnı "Radio NV” efirində bildirib.
"O, daha çox rusların bu cəbhə istiqamətində təzyiqlərini artırmasının nəticəsidir. Onlar buraya kifayət qədər güclü bölmələr yerləşdiriblər. Xüsusilə də ‘Rubikon’ bölməsi – onların ən qabaqcıl pilotsuz uçuş aparatları (PUA) bölməsidir, hansı ki, əvvəllər Donbasda fəaliyyət göstərirdi. Onların uğurlu əməliyyatlarından biri də Novenke kəndinə daxil olmaları oldu. Bu, bizim gözləmədiyimiz və yol verdiyimiz bir vəziyyət idi”, - o deyib.
Ekspertin sözlərinə görə, həmin yaşayış məntəqəsi Kursk vilayətində Ukrayna Müdafiə Qüvvələri üçün əsas təchizat marşrutunun yaxınlığında yerləşir. Rusiya bu əraziyə PUA bölmələrini yerləşdirərək Ukrayna logistikası üzərində nəzarəti ələ keçirib.
"Bundan əlavə, onlar cəbhə xətti boyunca kütləvi hücumlara başlayıblar. Baş Qərargahın məlumatlarına baxsaq, bu hücumların sayı təxminən iki dəfə artıb. Buna görə də bu, daha çox Rusiya ordusunun Ukrayna qüvvələrini geri çəkməyə yönəlmiş fokuslanmış səylərinə bənzəyir”, – Narojnı əlavə edib.
Ekspert Rusiya qüvvələrinin Sumı vilayətinin dərinliklərinə doğru irəliləmək imkanlarını da qiymətləndirib. Onun fikrincə, Moskvanın hazırda belə planları həyata keçirməsi real görünmür.
"Nəzəri baxımdan belə bir imkan var. Amma bunu etmək onlara çox baha başa gələcək. Sumı vilayəti çox yaxşı möhkəmləndirilib. Burada çoxlu xırda çaylar, meşə zolaqları var və bizə müdafiəni saxlamaq rahat olacaq. Mən 2-3 kilometr irəliləyişi istisna etmirəm. Çünki mühəndis istehkamları dövlət sərhədi boyunca deyil, daha içəridə qurulub. Amma bu, 20-40 kilometr dərinliyə irəliləyiş olmayacaq”, – Narojnı qeyd edib.
Bundan əvvəl "Financial Times” nəşrinə danışan ukraynalı döyüşçü bildirib ki, Kursk vilayətində Müdafiə Qüvvələri üçün problemlər hələ dekabr ayında başlayıb. O, Rusiyanın burada Ukrayna qüvvələrini sıxışdırmasının onu təəccübləndirmədiyini vurğulayıb.
Eyni zamanda "Forbes” analitikləri qeyd edirlər ki, Ukrayna Müdafiə Qüvvələrinin Kursk vilayətindən geri çəkilməsi təşkilatlanmış şəkildə baş verməyib. Onların fikrincə, Ukrayna bu ərazidə Rusiyaya Qərb istehsalı olan ağır texnikanı tərk edib.
Alpər
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər