Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
"WhatsApp"ın yeni funksiyası məxfiliyə risk yarada bilər - İstifadəçilərə xəbərdarlıq
"WhatsApp" ünsiyyət üçün telefon nömrəsindən məcburi istifadə qaydasından imtina edir, lakin yeni funksiyadan istifadə zamanı nəzərə alınmalı vacib məqamlar var.
Qaynarinfo xəbər verir kiI, "WhatsApp"da istifadəçilərə telefon nömrəsini açıqlamadan yeni insanlarla ünsiyyət qurmağa imkan verən unikal "@username" formatlı istifadəçi adları funksiyası istifadəyə verilib. Lakin kibertəhlükəsizlik mütəxəssisləri xəbərdarlıq edirlər ki, istifadəçi adının düzgün seçilməməsi yeni funksiyanın məxfilik üstünlüklərini aradan qaldıra bilər.
"Malwarebytes" portalının diqqət çəkdiyi kimi, bir çox istifadəçi "Meta" şirkətinin digər xidmətlərində, məsələn, "Instagram" və ya "Facebook" platformalarında istifadə etdiyi eyni ləqəbi seçmək istəyəcək. Lakin məhz bu, problem yarada bilər.
Əgər "WhatsApp" hesabı "Meta" Hesablar Mərkəzinə bağlanarsa və artıq istifadə olunan eyni ləqəbdən yararlanılarsa, kibercinayətkarlar və digər istifadəçilər müxtəlif "Meta" xidmətlərindəki profilləri bir-biri ilə daha asan əlaqələndirə bilərlər.
Nəticədə rəqəmsal fəaliyyətin izlənilməsi riski artır və hesab sahibinin şəxsi məlumatlarının tapılması asanlaşır.
Buna görə də ekspertlər "WhatsApp"da digər sosial şəbəkələrdə istifadə olunan eyni ləqəbdən istifadə etməyi məsləhət görmürlər. Bunun əvəzinə, ictimai hesablarla əlaqəsi olmayan ayrıca və unikal istifadəçi adı yaratmaq daha təhlükəsiz hesab olunur.
Mütəxəssislər həmçinin həqiqi ad, soyad, doğum tarixi və ya asanlıqla təxmin edilə bilən digər məlumatları ehtiva edən istifadəçi adlarından uzaq durmağı tövsiyə edirlər.
İnsanı istifadəçi adı vasitəsilə müəyyənləşdirmək nə qədər çətin olarsa, spam, fırıldaqçılıq və başqasının adından çıxış etmək cəhdləri ilə qarşılaşmaq ehtimalı da bir o qədər azalır.
Bununla yanaşı, yeni funksiya özü məxfiliyin artırılması istiqamətində mühüm addım hesab olunur. O, istifadəçilərə telefon nömrəsini paylaşmadan tanımadıqları insanlarla ünsiyyət qurmağa imkan verir. Lakin ekspertlər vurğulayırlar ki, qorunma səviyyəsi böyük ölçüdə istifadəçinin öz adını nə qədər düşünülmüş şəkildə seçməsindən asılıdır.
"WhatsApp"da istifadəçi adını necə rezerv etmək olar?
Yeni funksiyanın tam istifadəyə verilməsi yaxın aylarda gözlənilir. Hazırda isə "Meta" unikal istifadəçi adını əvvəlcədən rezerv etməyə imkan verir.
Bunun üçün "WhatsApp" mobil tətbiqini son versiyaya yeniləmək və "Parametrlər" – "Hesab" – "İstifadəçi adı" bölməsinə keçmək lazımdır.
Funksiya aktivləşdirildikdən sonra yeni yazışmaların başlanması üçün əsas vasitə məhz istifadəçi adı olacaq və ilk əlaqə zamanı telefon nömrəsi göstərilməyəcək.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər