Ermənistanda qazın qiyməti ilə bağlı yeni tarifləri artıq qüvvədədir. Aprelin 1-dən həm iqtisadiyyat, həm də əhali istehlak etdiyi qaza görə daha çox pul ödəyəcək.

Xatırladaq ki, Dövlət Xidmətlərinin Tənzimlənməsi Komissiyasının qərarına əsasən, aprelin 1-dən əhali üçün qazın qiyməti 4,7 dram artaraq, 1 kubun qiyməti 139 dramdan 143,7 drama qalxıb. Digər istehlakçılar üçün min kubmetrə görə qiymət artımı təxminən 10 dollar təşkil edir. Böyük istehlakçılar əvvəlki 255,91 əvəzinə 265,81 dollar ödəyəcəklər. İstixana emalı şirkətləri üçün bu rəqəm 233,9 dollar olub ki, bu da əvvəlki qiymətdən təxminən 10 dollar bahadır.

Eyni zamanda, əhalinin istehlak etdiyi qazın qiyməti də artacaq. Məlum olduğu kimi, qaz burada istehsal olunan kənd təsərrüfatı məhsullarının maya dəyərinin 60-70 faizini təşkil edir. Belə ki, tariflərin hər hansı artımı infilyasiyadan qaçmağı demək olar ki, qaçılmaz edir. Bu, xüsusilə rəqabət imkanları zəif olan kiçik istixana təsərrüfatları üçün problem yaradır. Qazın qiymətinin artması kənd təsərrüfatı məhsullarının da bahalaşmasına səbəb olacaq. Kənd təsərrüfatının emal sektorunda qazın bahalaşmasından sonra xərclər artacaq və bu da əmtəə qiymətlərinin bahalaşmasına səbəb olacaq. Bu, istehsalçılar üçün daxili və xarici bazarlarda əlavə rəqabət çətinlikləri yaradacaq.

Qeyd edək ki, Ermənistanın emal sənayesinin məhsullarının tədarükü üçün əsas bazar Rusiyadır. Bu arada, Rusiya bazarında rublun son devalvasiyası, iqtisadi proseslərin ləngiməsi, istehlakçıların ödəmə qabiliyyəti tələbinin azalması səbəbindən erməni istehsalçıları artıq satış problemi ilə üzləşiblər. Qazın bahalaşmasının diktə etdiyi qiymət artımı həmin problemləri daha da artıracaq. Ümumiyyətlə, enerji tarifləri ilə bağlı çətinliklər iqtisadiyyatın bir çox sahələrinə aiddir.

İstənilən maliyyə yükü iqtisadiyyata təzyiq edir. Bu, həm də iqtisadi aktivliyi məhdudlaşdıracaq və iqtisadi artım tempinə təsir edəcək.

Bu gün Ermənistan iqtisadiyyatının texniki cəhətdən yenidən təchiz olunma səviyyəsi çox aşağıdır. Ölkədə investisiyalar azdır, digər tərəfdən Mərkəzi Bankın inflyasiyanı cilovlamaq məqsədilə atdığı addımlar iqtisadiyyatın yenidən silahlanması haqqında düşünməyə imkan vermir.

Ona da diqqət yetirək ki, yeni tariflər qüvvəyə mindikdən dərhal sonra sıxılmış təbii qazın qiyməti qalxıb. Yanacaqdoldurma məntəqələrində motor qazının qiyməti 7-8% artıb. Nəticədə isə sərnişindaşıma sahəsində qiymət artımları müşahidə olunub. Ekspertlər hesab edirlər ki, bu hələ başlanğıcdır. Növbəti zərbə ictimai həyatın bir çox sahələrinə dəyəcək və bu, zəncirvari şəkildə yayılacaq. Son nəticədə ölkə əhalisinin önəmli hissəsi müflisləşəcək.

Telman Qasımov