Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Nadir Qafarzadə: "Bizim qazancımız Türkiyə müğənnilərinin qazancı ilə müqayisə oluna bilməz"
"Belə başa düşdüm ki, Əmrah yeyib-içməyib, ömrü boyu qazandığı pulu yığıb, ev alıb. İndi də həmin evləri kirayəyə verərək gəlir əldə edir".
Bunu Qaynarinfo-ya açıqlamasında müğənni Nadir Qafarzadə türkiyəli həmkarı Əmrahın daşınmaz əmlaklarından əldə etdiyi aylıq 10 milyon lirəlik kirayə gəlirini şərh edərkən deyib.
Müğənni Əmrahın qənaətcil insan kimi tanındığını da xatırladıb:
"Deməli, ağıllı adamdır. Bu gün rahat oturub, gəliri də gəlir, istədiyi kimi xərcləyir. Eşitdiyimə görə, bir az xəsisliyi də var. Allah köməyi olsun. Bəlkə bizdə də bir-iki belə müğənni var. Evi olanlar kirayəyə verirlər, amma onların qazancı Əmrahın qazancı ilə müqayisə oluna bilməz. Ayda 3-4 min manat kirayə gəliri əldə edənlər var. Görün, arada nə qədər fərq yaranır. Bakıda kirayədən o qədər böyük gəlir əldə etmək mümkün deyil".
Nadir Qafarzadənin fikrincə, Türkiyə və Azərbaycan müğənnilərini müqayisə etmək doğru deyil:
"Onlar böyük ölkənin sənətçiləridir, biz isə kiçik bazarda fəaliyyət göstəririk. Azərbaycanda əhalinin sayı 10 milyon civarındadır, Türkiyədə isə 85 milyondan çoxdur. Üstəlik, Türkiyə turizm ölkəsidir və bu sahədən böyük gəlir əldə edir. Biz heç kimin pulunu saymırıq. Kimin nə qədər əmlakı var, onu da bilmirik. Amma bir həqiqət var ki, bizim qazancımız onların qazancı qədər deyil".
Müğənni Nüşabə Ələsgərli isə bildirib ki, yalnız bir mənzili var:
"Heç kimin pulunu, cibini saymıram və bunu heç kimə məsləhət də görmürəm. Qazandığım pulu xərcləyirəm. Çoxlu əmlak alıb neyləyəcəyəm? İki övladım xaricdə yaşayır. Bir evim var, özüm də orada yaşayıram. Qazancımız özümüzə güclə çatır. Uşaqların təhsili və həyat şəraitinin qurulması ciddi vəsait tələb edir.
Türkiyəli sənətçilər əvvəllər təkcə bir albomdan böyük məbləğlər qazanıblar. Bizdə isə albom satışı bazarı formalaşmayıb. Onlar filmlərdən, seriallardan, reklamlardan da gəlir əldə edirlər. Bir albomdan milyonlarla lirə qazanıblar. Kimin harada və nə qədər əmlakı olduğunu isə bilmirəm".
Qeyd edək ki, türkiyəli müğənni Əmrahın kirayədən əldə etdiyi aylıq gəlir açıqlanıb. Məlumata görə, sənətçinin İstanbul və Bodrumda 300-dən çox daşınmaz əmlakı var. O, həmin əmlakları kirayəyə verməklə ayda təxminən 10 milyon lirə (370 min manata yaxın) gəlir əldə edir.
Bahar Rüstəmli
Oxşar xəbərlər
"Aynaya baxanda atamın ruhunu görürəm"
Maqazin
22.06.2026
.jpg)
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər