Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
SSRİ-dən sonra ilk dəfə: Həyəcanlı Ay səyahəti başlayır
15 yanvarda buraxılması planlaşdırılan "Blue Ghost" Ay eniş aparatı yarım əsrlik fasilədən sonra Ayın Mare Krisium adlı kraterli bölgəsinə yenidən eniş edəcək.
Qaynarinfo xəbər verir ki, aparat toplayacağı məlumatlarla həm Ay, həm də Yer haqqında daha çox məlumat əldə etməyi hədəfləyir.
Sonuncu dəfə Sovet İttifaqının "Luna 24" kosmik aparatı 1976-cı ilin avqustunda nümunə toplamaq üçün Ayın Mare Krisium bölgəsinə eniş etmişdi. O vaxtdan bəri bu bölgəyə heç bir eniş aparatı uğurla çatmayıb. Lakin "Firefly Aerospace" şirkətinin açıqlamasına görə, "SpaceX" 15 yanvarda bu bölgəyə iki eniş aparatını göndərmək üçün hazırlıqlarını tamamlayacaq.
İki eniş aparatı bir missiyada
"SpaceX"in "Falcon 9" raketi "Firefly Aerospace"in "Blue Ghost 1" eniş aparatı ilə yanaşı, Yaponiyanın "iSpace" şirkətinə məxsus "Resilience" adlı robotik eniş aparatını da Ayın səthinə çatdıracaq. Ay səfərinin 45 gün çəkəcəyi və bundan sonra səthdə 14 günlük tədqiqat işlərinin aparılacağı bildirilib.
"Blue Ghost 1" eniş aparatında 10 NASA yükü yerləşdirilib. Bu elmi avadanlıqlar Ay və Yerin müxtəlif hissəcik tərkibini, termal xüsusiyyətlərini və elektromaqnit aktivliyini ölçmək üçün nəzərdə tutulub. Toplanan məlumatlar Ayın resursları və tarixi haqqında daha çox məlumat əldə etməyə və eniş-kalkış prosedurlarını təkmilləşdirməyə xidmət edəcək.
Xüsusi diqqət çəkən yük
"LEXI" adlı elmi cihaz xüsusilə diqqət çəkir. Bu cihaz Yerin maqnit sahəsini oxuya bilən rentgen cihazıdır. NASA bu cihazdan əldə edilən məlumatlardan istifadə edərək Günəş küləklərinin maqnetosferimizlə necə qarşılıqlı əlaqədə olduğunu müşahidə edəcək.
Bu məlumatlar, Yerdə elektrik kəsintilərinə, peyk və GPS sistemlərinə təsir edən Günəş fırtınalarının daha dəqiq proqnozlaşdırılmasına kömək edəcək.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər