Hollivud ulduzu Bred Pit keçmiş həyat yoldaşı Ancelina Colidən ayrılıq dövründə ona mənəvi dəstək göstərən məşhur dostlarından danışıb.
Qaynarinfo xəbər verir ki, aktyorun sözlərinə görə, ayrılıqdan sonrakı dövr onun üçün emosional baxımdan olduqca çətin keçib. Belə vaxtlarda Pit yaxınlarının və dostlarının dəstəyinə ehtiyac duyub. Onun yanında olanlar arasında Corc Kluni, Bredli Kuper, Leonardo Di Kaprio, Mett Deymon və ilk həyat yoldaşı Cennifer Eniston da olub.
Pitt çətin günləri geridə qoymasında yaxın münasibətlərin mühüm rol oynadığını bildirib. O, sevdiyi və ona dəstək olan insanlarla hisslərini açıq şəkildə bölüşə bildiyini vurğulayıb.
“Ən qaranlıq günlər barədə düşünəndə, hər şeydən əvvəl yaxın münasibətlərimə güvəndiyimi deyə bilərəm. Bunlar dostlarım, ən yaxın insanlarımız və ailəmdir. Özümü məni sevən və dəstəkləyən insanların yanında sərbəst ifadə etmək imkanım olub”, deyə aktyor qeyd edib.
Xatırladaq ki, Bred Pit və Ancelina Coli 2005-ci ildə “Cənab və xanım Smit” filminin çəkilişləri zamanı tanış olub və münasibət qurublar. Cütlük 2014-cü ildə Fransada evlənib. Onların üç bioloji və üç övladlığa götürülmüş olmaqla altı uşağı var.
Cütlük 2016-cı ildə ayrılıq qərarı versə də, boşanma prosesi 2024-cü ilin dekabrında rəsmiləşib. Uzun sürən hüquqi mübahisələr onların münasibətlərinə və övladları ilə əlaqələrinə də təsir göstərib.
Aydın
