COVİD-19 bu dəfə sağalacaq - Virus xərçəngə qarşı istifadə olunacaq

Qaynarinfo xəbər verir ki, alimlər heyvan və insan toxumalarından istifadə edərək xəstəliyə səbəb olan SARS-CoV-2 virusunun RNT molekullarının immun sistemində xərçəng əleyhinə xüsusiyyətlərə malik xüsusi hüceyrənin inkişafına təkan verdiyini müşahidə ediblər. 

Alimlərin fikrincə, "induksiya olunan qeyri-klassik monositlər" və ya "I-NCMs" kimi tanınan bu xüsusi hüceyrələr xərçəng hüceyrələrinə hücum edir.

Tədqiqatçıların fikrincə, bu kəşf xərçəngin müalicəsi üçün yeni yol açır. Bu hüceyrələr mövcud müalicələrə davamlı olan xərçənglərin müalicəsində istifadə oluna bilər.

Şiddətli COVİD-19 tərəfindən aktivləşdirilən hüceyrələrin xərçənglə mübarizə üçün bir dərmanla stimullaşdırıla biləcəyini aşkar edən elm adamları, xüsusilə melanoma, ağciyər, döş və kolon xərçəngi üçün cavab gördüklərini qeyd ediblər. Araşdırma hələ başlanğıc mərhələsində və effektivliyi yalnız heyvanlar üzərində araşdırılmış olsa da, bu yanaşmanın digər müalicələrə cavab verməyən irəliləmiş xərçəng xəstələrinə fayda gətirmək üçün istifadə olunacağına ümid verdiyi ifadə edilir. Xüsusi hüceyrələr inkişaf etdirərək, ənənəvi müalicə üsullarından nəticə almamış xərçəng xəstələri üçün potensial olaraq yeni bir yol yarada bilər.