Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
13:53
Laçında quş yuvası
10:00
Xəzərdə zəlzələ oldu
Dollar beş aydır ardıcıl zəifləyir - Səbəb nədir?
Dollar cümə günü bir qədər güclənsə də, may ayını da itki ilə başa vurmağa hazırlaşır. Beləliklə, ABŞ valyutası ardıcıl beşinci ayı azalma ilə yekunlaşdıracaq. Səbəb isə Vaşinqtonun ticarət siyasəti və maliyyə vəziyyəti ilə bağlı davam edən qeyri-müəyyənliklərdir. Ticarətçilər isə bu gün açıqlanacaq əsas inflyasiya göstəricisini gözləyirlər.
Qaynarinfo xəbər verir ki, ABŞ dollarının altı əsas valyutadan ibarət səbətə qarşı indeksi Bakı vaxtı ilə saat 10:24-də 0,24% artaraq 99,489-a yüksəlib. Lakin may ayının yekunlarına görə bu indeksin 0,25% azalacağı gözlənilir.
Dolların zəifləməsinə səbəb, ABŞ Federal Apelyasiya Məhkəməsinin cümə axşamı günü Prezident Donald Trampın tətbiq etdiyi genişmiqyaslı gömrük tariflərini müvəqqəti olaraq bərpa etməsidir. Halbuki bir gün öncə Ticarət Məhkəməsi bu tarifləri, demək olar ki, bütün dünya ölkələrinə qarşı tətbiq olunduğuna görə qeyri-qanuni sayaraq ləğv etmişdi.
Capital.com-un analitiki Kayl Rodda bildirir: "Məhkəmənin qərarı əvvəlki qeyri-müəyyənliyi aradan qaldırmadı, əksinə, yenisini yaratdı. Bu da bazarda ehtiyatlı əhval-ruhiyyənin artmasına səbəb olur”.
Avronun məzənnəsi 0,26% azalaraq 1,1342 dollara düşüb. Bu, Almaniyada – Avrozona iqtisadiyyatının ən güclü ölkəsində – aprel ayında pərakəndə satışların gözlənilmədən azalması ilə bağlıdır.
Funt sterlinq 0,13% azalaraq 1,347 dollara düşüb, İsveçrə frankı isə 0,11% enərək 0,8235 səviyyəsində ticarət olunur.
ABŞ-da inflyasiyanın Federal Ehtiyat Sistemi (FES) tərəfindən üstünlük verilən göstəricisi – şəxsi istehlak xərcləri indeksi – bu gün Bakı vaxtı ilə saat 17:30-da açıqlanacaq. Əvvəlki gün açıqlanan işsizlik və ÜDM göstəriciləri isə investorların ABŞ iqtisadiyyatının zəifləməsi ilə bağlı narahatlıqlarını azalda bilməyib.
Digər tərəfdən, inkişaf etməkdə olan ölkələrin valyuta indeksi mayı 2,2%-lik artımla başa vurmağa hazırlaşır ki, bu da noyabr 2023-dən bəri ən yaxşı aylıq nəticədir.
Yapon yeni bu gün 0,19% bahalaşaraq 143,91 səviyyəsinə yüksəlib, lakin bu valyuta üçün ilin əvvəlindən bəri ilk aylıq zəifləmə ola bilər.
Avstraliya dolları 0,19% azalaraq 0,6429 dollara düşüb. Yeni Zelandiya dolları isə əksinə, 0,12% artaraq 0,5971 dollara çatıb.
Çin yuanı isə stabil qalıb: materik bazarında 7,1899, ofşor bazarda isə 7,1903 səviyyəsində ticarət olunur.
Kriptovalyutalara gəlincə, bitkoin 0,13% azalaraq 106.036,01 dollara, efir isə 0,36% azalaraq 2.634,36 dollara düşüb.
Alpər
Oxşar xəbərlər
Nigeriyada pul səpələmək qadağan edildi
Dünya
30.05.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər