Beynəlxalq Şahmat Federasiyası (FİDE) bir qrup şahmatçıların titulunu rəsmi qaydada təsdiqləyib.
Azərbaycan Şahmat Federasiyasından Qaynarinfo-ya verilən məlumata görə, Sloveniyadakı şəxsi Avropa çempionatında parlaq çıxışı ilə yadda qalan Gövhər Beydullayeva qadınlar arasında beynəlxalq qrossmeyster, Xəzər Babazadə isə beynəlxalq usta kimi qeydiyyatdan keçib.
FİDE eyni zamanda Məhəmməd Muradlını da beynəlxalq qrossmeyster kimi siyahıya daxil edib.
Muradlı kişi şahmatçılar arasında müstəqil Azərbaycan tarixində 27-ci qrossmeyster kimi tarixə düşdü.
Səbuhi Həsənov
