Xorvatiyanın "Dinamo” (Zaqreb) klubunda çıxış edən Azərbaycan millisinin üzvü Mahir Emreli uzun müddət sonra qol vurub.
Qaynarinfo xəbər verir ki, forvard ölkə çempionatının 17-ci turunun "Riyeka”ya qarşı keçirilən matçında dubl edib.
72-ci dəqiqədə meydana çızan Mahir bir neçə saniyə sonra fərqlənib. O, qoldan bir dəqiqə sonra sarı vərəqə alıb. Emreli 85-ci dəqiqədə özünün 2-ci, komandasınşn 7-ci qolunu vurub. Beləliklə, "Dinamo" 7:2 hesablı qələbə qazanıb.
Qeyd edək ki, Mahir Emreli sonuncu qolunu 3-cü turda "İstra” ilə matçda vurmuşdu. "Dinamo" 16 oyundan sonra turnir cədvəlinin lideridir. Komandanın bir oyunu təxirə salınıb.
