NATO-nun keçmiş baş katibi DTK zabiti ilə müntəzəm görüşlərindən danışdı

Qaynarinfo xəbər verir ki, həmin vaxt Stoltenberq Norveç Fəhlə Partiyasının gənclər təşkilatı olan İşçi Gənclər Liqasına rəhbərlik edib. Keçmiş baş katibin sözlərinə görə, DTK zabiti Boris Kirillovla görüşlər Oslodakı restoranlardan birində baş tutub.

"Mən heç vaxt utanacağım bir iş görməmişəm. Amma bütün fikir məni şam yeməyinə dəvət etmələri idi. Osloda eyni restoranda ayda bir dəfə Kirillov adlı bir oğlanla eyni masada böyük krevetli sendviç yedim. Və o, KQB-dən idi", deyə Stoltenberq FT jurnalistinə bildirib.

Yens Stoltenberq qeyd edib ki, Viktor Qruşkonu tanıyan atası (1991-ci ildən DTK sədrinin müavini) ona İşçi Gənclər Liqasındakı postunda DTK ilə münasibətləri saxlamağı məsləhət görüb: "Çox qəribə idi. Atam mənə dedi ki, Rusiya səfirliyində yalnız KQB-nin adamları ilə danışmaq lazımdır, çünki yalnız onların hər hansı təsiri var".

1991-ci ildə Norveç kəşfiyyatı Yens Stoltenberqdən "Kirillovu qaçqın olmağa inandırmağa kömək etməsini" xahiş edib. 

"Mən bu adamı 10 ildir tanıyırdım. Sonuncu nahar zamanı dedim: ''Mən səni tanıyıram, sən məni tanıyırsan, yaşamaq istəyirsənsə, mənimlə əlaqə saxla: Norveç gözəl ölkədir. Sənin qayğına  qalacaqlar" desə də, Boris Kirillov təklifi qəbul etməyib. Yens Stoltenberqin sözlərinə görə, o, sonradan açıq KQB arxivlərindən öyrənib ki, Kirillova "Steklov" kod adı verilib.

Yens Stoltenberq jurnalist kimi karyerasına 1979-cu ildə "Arbeiderbladet" qəzetində başlayıb, lakin iki ildən sonra siyasətə qoşulub. 1981-ci ildə partiya orqanı olan qəzetdən Norveç Fəhlə Partiyasının (NLP) mətbuat katibi vəzifəsini alıb. 1980-ci illərin ortalarından partiyanın mərkəzi idarə heyətinin üzvü olub, onun gənclər qanadına rəhbərlik edib, Gənc Sosialistlərin Beynəlxalq İttifaqının vitse-prezidenti vəzifəsini tutub. 1990-cı ildə Norveçin Ətraf Mühit Nazirliyinin dövlət katibi olub. 2000-ci ildə o, Norveç tarixində ən gənc baş nazir olub (41 yaş). O, 2014-cü ildən tutduğu NATO baş katibi postunu 2024-cü il oktyabrın 1-də tərk edib. Onu bu vəzifədə Niderlandın keçmiş baş naziri Mark Rütte əvəzləyib.