Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Onu Eynşteynlə müqayisə edirlər: NASA-nın təklifindən imtina edən gənc alim
Amerikalı fizik Sabrina Qonsales Pasterski uzun illərdir mediada Albert Eynşteynlə müqayisə olunur.
Qaynarinfo xəbər verir ki, bu barədə "Antena 3 CNN" məlumat yayıb.
Çikaqoda anadan olan Sabrina kubalı ana və polyak atanın ailəsində böyüyüb. O, hələ uşaqlıqdan fizika və aviasiyaya maraq göstərib. Cəmi 12 yaşında xüsusi konstruktor dəsti vasitəsilə özünün təkmühərrikli təyyarəsini yığmağa başlayıb.
14 yaşında isə həmin təyyarə ilə ilk uçuşunu həyata keçirib. Bu, onun avtomobil idarə etmək hüququ əldə etməsindən bir neçə il əvvəl baş verib.
Məhz bu təyyarə Sabrina Pasterskinin Massaçusets Texnologiya İnstitutuna (MIT) qəbulunda diqqət çəkən amillərdən biri olub. Əvvəlcə o, gözləmə siyahısına salınsa da, sonradan universitetə qəbul edilib.
Sabrina MIT-də təhsilini cəmi üç ilə başa vuraraq maksimum 5,0 orta göstərici əldə edib. O, son onilliklərdə institutun fizika fakültəsini ən yüksək nəticələrdən biri ilə bitirən tələbələrdən biri olub və nüfuzlu "Orloff" təqaüdünə layiq görülüb.
Daha sonra Harvard Universitetində doktorantura təhsili alan alim fiziklər Endryu Stromincer və Aleksandr Jiboyedov ilə birlikdə qravitasiya dalğaları və məkan-zaman simmetriyaları sahəsində aparılan tədqiqatlarda iştirak edib. Onların elmi işləri "spin yaddaşı effekti" kimi tanınan nəzəri fenomenin izahına mühüm töhfə verib.
Onun elmi işləri beynəlxalq elmi ictimaiyyətin diqqətini cəlb edib və məşhur fizik Stiven Hokinq də məqalələrindən birində bu araşdırmalara istinad edib.
Mediada yayılan məlumatlara görə, Sabrina Pasterski NASA və "Blue Origin" daxil olmaqla bir sıra nüfuzlu qurumlardan əməkdaşlıq və ya iş təklifləri alıb.
Lakin alim akademik fəaliyyətini davam etdirməyi üstün tutaraq 2021-ci ildə Kanadanın Vaterloo şəhərində yerləşən "Perimeter" Nəzəri Fizika İnstitutuna qoşulub.
Onun sözlərinə görə, fundamental elmi problemlər üzərində işləmək imkanı maaş və nüfuzdan daha önəmlidir.
Hazırda Sabrina Qonsales Pasterski müasir fizikanın ən mürəkkəb problemlərindən biri hesab olunan kvant cazibəsi və məkan-zamanın təbiəti ilə bağlı araşdırmalarını davam etdirir.
Məhz bu fundamental suallar üzərində çalışdığı və elmi nailiyyətlərinə görə bəzi media orqanları onu Albert Eynşteynlə müqayisə edirlər.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər