Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Alimlərdən iddia: İsa Məsihin möcüzə göstərdiyi yer tapılıb
Alimlərin fikrincə, İsa Məsihin Bibliyada təsvir olunan möcüzələrindən biri ilə bağlı qədim liman tapılıb.
Qaynarinfo xəbər verir ki, "Daily Mail" nəşrinin yazdığına görə, arxeoloqlar İsa Məsihin cinləri donuz sürüsünə qovduğu və sürünün suya atılaraq boğulduğu yeri aşkar ediblər. Qazıntılar Qalileyə dənizi yaxınlığında, gölün şərq sahilində yerləşən qədim Kursa şəhəri ərazisində aparılıb.
Ekspedisiyaya rəhbərlik edən "Associates for Biblical Research" təşkilatının nümayəndəsi doktor Skott Striplinq bildirib ki, bu kəşfə onları İncil mətnlərindəki ipucları, ərazinin coğrafi xüsusiyyətləri və sualtı xarabalıqlar gətirib.
İncilin Matta, Mark və Luka bölmələrində qeyd olunur ki, İsa qərbdən şərqə doğru qayıqla dənizi keçərək "legion" adlı cinlərdən azad olmayan bir kişi ilə qarşılaşır. Bibliya təsvirinə görə, həmin yerin yaxınlığında qayalar, qəbirlər və donuzların dənizə atıldığı dik yamac yerləşirdi. Kursa ərazisinin relyefi bu təsvirlərlə tam uyğun gəlir.
Açar rolunu qədim Roma dövrünə aid, qismən su altında qalmış liman oynayıb. Onun yaxınlığında arxeoloqlar iri daş anbar – canlı balıqların saxlanması üçün qədim "akvarium” aşkarlayıblar. 1985-ci ildə aparılmış qazıntı hesabatlarına əsaslanaraq, alimlər 2023-cü ildə həmin limanı yenidən axtarmağa qərar veriblər.
Sualtı tədqiqat zamanı tədqiqatçılar iki körpü forması yaradan iri daş bloklar aşkar ediblər. "Biz daşlara toxunduğumuz anda bunun Roma dövrünə aid həqiqi liman olduğunu anladıq", deyə Striplinq bildirib.
Tapılan liman Bibliyada göstərilən marşrutla tam üst-üstə düşür: İsa Kapernaum şəhərindən çıxaraq gölün şərq sahilinə gəlir, yaxınlıqda qayalar və qəbirlər yerləşir – bu da Müqəddəs Yazılarda qeyd olunan əlamətlərdir. Limandan bir neçə yüz metr aralıda isə donuzların suya atıla biləcəyi uçurum mövcuddur.
Aydın
Oxşar xəbərlər
Nyu-Yorku itirmək Tramp üçün nə deməkdir?
Dünya
05.11.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər